كمان زعلانه

بصراحه انا مش عندي مشكله انا عندى کاړثة والله عشان كده بعت لصفحه ازواج لكن سعداء لأن تعليقاتكم محترمه انا اتجوزت جواز صالونات ومراتى ست كويسه واهلها ناس محترمين الخطوبه مطولتش عشان انا كنت مخلص كل حاجتى بدرى مكملتش تلات شهور خطوبه كل اللى حصل فيهم انى روحت البيت عندهم ست مرات وفى مره اخدتها أخرجها هى وأخوها ومعظمهم كان الكلام بينا عادى زى اى حد مخطوب ولما اتجوزت اول اسبوع الدنيا
حلوة وكله تمام وبعدها لاقيت مراتى ديما حزينه وزعلانه ومش فاهم ليه على العلم اننا مش متجوزين فى بيت عيله فكنت بحاول أخرجها بعد الشغل وبردو بتقعد سرحانه ومش بتتكلم وساعات كانت بتطلب تروح لبيت اهلها كنت بوصلها وبرجع اخدها وشويه بقى اتلخمت فى شغلى عشان انا عندى ورشه وربنا فتحها عليه ومبقتش فاضى وبردو كنت بعملها بالحسنى وقولت يمكن هى طبعها أنها حزينه وساكته وفى يوم راجع من الشغل لاقيت البيت فاضى ومراتى مش موجوده استغربت لأنها مقلتش أنها هتنزل المهم اتصلت عليها الموبيل مغلق وبعدين على اخو مراتى اساله هى راحت عندهم قالى لا استنين ساعة اتنين مفيش خبر قلقت ونزلت ادور فى الشارع حولينا والوقت اتاخر قولت ارجع يمكن تكون رجعت رجعت ودخلت اوضه النوم لاقيتها لمت كل هدومها ومش فى الدولاب كلمت اخوها وحكيت معاه قالى أنهم ميعرفوش حاجه وفضلنا على الحال ده اكتر من شهر ومراتى ولا حس ولا خبر كده اتاكد أنها طفشت حتى أهلها كانو
مستغربين هى عملت كده ليه قعدت فى فترة وانا فى صد مه ومش مصدق طيب هى اتجوزتنى ليه لما هى مش عايزانى وبعد كذا شهر امى قالتلى انى لازم اتجوز انا بصراحه كنت حزين على نفسي ومش مصدق ليه حصل فيه كده حاسس انى بحلم ولاقيت احسن حل انى اتجوز وفعلا استقدمت لواحده جارتناوهى عارفه الظروف واللى حصل معايا ووافقت أنها تدخل على العفش بتاعى والحاجه القديمه وسبحان الله ربنا عوضنى بيها خير واكرمنى ببنوته زى القمر وسمتها قمر وفى يوم بعد ما خلصت شغلى وانا راجع البيت ولسه داخل بعدها بدقيقه لاقيت الجرس بيرن روحت افتح الباب لاقيت واقف قدامى .
مراتى الاولى اللى طفشت وسابتنى وقال ايه رجعه بشنطه هدومها ودخلت وبتسلم عليا وانا بصراحه متنح وتتعامل عادى معايا ولا كان فى حاجه طبعا مراتى ام قمر هى كمان مستغربه وقالتلها انتى ايه اللى جايبك هو انتى مش طفشتنى من زمان انتى ملكيش مكان هنا انشئ على أهلك لاقت مراتى الاولى بترد بكل برود وبتقولها انا مش فاكرة حاجه انا بقالى تلات سنين فاقدة الذاكرة واول ما رجعتلى الذاكرة رجعت على بيتى هو ايه اللى حصل
طبعا أنا لما بعت للأستاذة غادة عشان تنشر المشكله عارف انها هتساعدنى وعارف انكم يا اخواتى هتقولولى اعمل ايه منتظر ردكم عليه في صفحة ازواج لكن سعداء