رواية هتحدي الظروف بقلم فاطمة عيد

.. الفجر قرب يأذن وانا لسه منمتش والمفروض اصحى بدرى .. من فضلك كفايه بقي 
روح بزعل خلاص يلا ننام
تفرد ع السرير وتديله ضهرها .. يبتسم زين ويطفى النور وينام جنبها .. يفرد جنبها ويشدها لحضنه كانت لسه هتعترض بس يحضنها جامد لدرجه انها مش عارفه تتحرك .. يقرب ع ودنها 
زين بهمس بحبك 
روح تتصدم من الكلمه اول مره تسمعها ف حياتها .. زين يبتسم ويبوسها من خدها وينام .. تبتسم روح بفرحه وتنام هى كمان .. يعدى اليوم .. ف مكان تانى خالص .. بالتحديد ف وسط الصحرا ..
خيمه حوليها أغنام كتير .. جواها اثاث بسيطه وباين انها بقالها كتير منصوبه .. كل حاجه باين عليها القدم .. راجل كبير نايم ع السرير بيكح جامد .. لدرجه انه مش عارف ياخد نفسه .. ينادى ع مراته 
عبدالله فاطنه يا فاطنه 
تدخل ست جوه الخيمه 
فاطمه ايوه يا حج بتنادينى 
عبدالله هاتيلى الدوا يا فاطنه .. حاسس روحى بتتسحب منى 
تجرى تقعد جنبه 
فاطمه بقلق لا يا حج روق كده .. منتصر هيجيب الدوا ويعاود .. استحمل ياخويا 
عبدالله بصوت باين عليه الخنقه والتعب مجادرش يا فاطنه خلاص .. باينى بودع 
فاطمه بدموع متقولش اكده بعد الشړ عليك .. انشاله انا وانت لا .. الواد هيجى وتاخد الدوا وهتبقي احسن من الاول كمان .. استحمل ياخويا الله يخليك
عبدالله بتعب اسمعينى يا فاطنه منيح .. لازم تلاقوا البت .. لازم تعرفيها كل حاجه .. اوعى يا فاطنه تسيبها بعد ما اموت .. لمى الشمل اللى اتقطع يا فاطنه .. امانه ف رقابتك انتى ومنتصر ليوم الدين 
فاطمه ټعيط بحرقه متقولش كده ابوس يدك .. هتفوق وهتبقي كويس والله .. اسكت عشان الكلام غلط عليك 
عبدالله بصوت مبحوح امانه عندك يا فاطنه .. رجعى الشمل 
قال جملته دى واتشاهد والروح راحت للى خلقها .. تصوت فاطمه اول ما تلاقيه قاطع النفس وټعيط بحرقه .. يدخل شاب عليهم يتخض اول ما يلاقيها كده .. يجرى عليهم ويشده 
فاطمه بعياط وصوت متقطع ابوك ماټ يا منتصر .. ابوك مااااات 
منتصر مش مستوعب اللى سمعه .. يقعد ع الارض جنب السرير ويشد ابوه وهو مش مصدق انه فعلا ماټ 
منتصر بصوت مهزوز ابوى .. رد عليا يا ابوى 
نقف لحظه .. منتصر .. شاب وسيم .. عمره 22 سنه .. معاه الاعداديه .. راجل بكل ما تحمله الكلمه من معنى .. بيكره الستات كلهم وعنده عقده منهم .. من اللى ابوه حكاله عنهم وهو مبقاش طايق ولا ست ف حياته .. عايش هو وابوه وامه ف الخيمه دى بقالهم 3 سنين .. وكل شويه ينقلوها لمكان مختلف ف وسط الصحرا .. حياتهم غير مستقره ومهدده .. ع طول معاه مسډس وسکينه عشان لو ھجم عليهم اى حيوان مفترس من اللى موجودين ف الصحرا .. بشرته قموحيه غامقه وشعره اسود وباين عليه ملامح المصرين الاصيله .. عيلته عنده خط احمر واللى يقربلهم يبقي مصيره المۏت .. طبعه صعب ودمه حامى والكل بېخاف منه .. نرجع تانى 
فاطمه بعياط وصوت متقطع مبيردش عليا يا ولدى .. عبدالله ماټ خلاص
.. يا حسره قلبي عليه 
يقف منتصر ويمسح الدمعه اللى كانت بتهدده بالنزول .. ويزفر بقوه 
منتصر حقك راجع يا حج والله لارجعه واحققلك مرادك .. انا هريحك ف تربتك يا غالى .. يمسك فاطمه من دراعها ويقومها .. قومى لمى الحاجات وجهزى نفسك هننزلو القاهره ندفنوه هناك ونحقق مطلبه .. مبقاش ف وقت نضيعه 
فاطمه بحزن نويتها خلاص !!
منتصر بقوه ممزوجه بالۏجع ايوه .. حق ابوى راجع والشمل هيتلم وكل اللى فات هيتصلح .. مش هرتاح الا لما اصلح اللى فات .. يلا يا امى يدوب نتحرك قبل ما الشمس تغيب
فاطمه عين العقل يا ولدى .. هجهز اهو 
تجهز فاطمه .. ومنتصر يلم حاجته ويحط كل الحاجه ف عربيه نص نقل بتاعتهم .. ويلف ابوه بملايه وينيمه ف العربيه من ورا وجنبه فاطمه ويتحركوا متجهين للقاهره .. يعدى الوقت .. تانى يوم الصبح تصحى روح تلاقى زين بيجهز وواقف قدام المرايه بيسرح شعره 
روح بصوت نايم انت صاحى بدرى ليه كده !
زين انا صاحى ف ميعادى .. الهانم هى اللى صاحيه متأخر 
تبص روح ع المنبه جنبها تلاقى الساعه 9 
روح ايه دا انا نمت دا كله ! محستش خالص 
يقرب زين عليها ويبوسها .. تبتسم روح 
زين مش مهم يا روحى .. اصحى زى ماانتى عاوزه .. انا نازل دلوقتى تمام
روح تمام خلى بالك من نفسك 
زين بابتسامه اوك 
يخرج زين وبعدين يفتكر حاجه ويرجع تانى 
روح ايه تانى 
زين صح نسيت اقولك .. بابا وماما راحوا النادى من الصبح بدرى وبعدها هيروحوا عند خالتى عشان تعبانه وهيرجعوا بليل .. خلى بالك من نفسك عقبال ما ارجع .. كلها كام ساعه .. هحاول متأخرش 
روح بقلق هقعد لوحدى !
زين بتفهم شغلى التلفزيون او اقعدى ف البلكونه .. اعملى اى حاجه تشغلك وانا مش هتأخر عنك ماشى 
روح بابتسامه اوكى 
يقرب يبوس دماغها وبعدين ينزل .. تقوم روح تاخد شاور وتلبس هوت شورت وبدى كب .. تخرج تروق البيت كله وتقف تشوف اللى ف التلاجه وتقرر انها تعمل الاكل .. تطلع الحاجات وتحطها ع الرف ويدوب هتبدأ تطبخ يقاطعها خبط الباب .. تروح تفتح وهى مبتسمه 
روح وهى بتفتح متأخرتش فعلا 
تتصدم اول ما تلاقى احمد قدامها ..
احمد جيت ف وقتى يعنى........
حلقه 12
ميردش زين ويتجاهلها تماما ويمشى .. يفضل يلف كتير ف الشارع لحد ما يتعب والضيق تملك منه .. حاسس پخنقه رهيبه مش قادر يفسرها .. يعدى الوقت .. يدخل زين العماره ويطلع السلم .. وقف بين الشقتين .. قلبه وعقله ف صراع ضد بعض .. قلبه بيقوله اسمعها جايز ظلمتها .. وعقله مش راحمه من الخيالات اللى جت ف دماغه .. يفضل واقف محتار .. يعدى عليه دقايق وهو واقف مكانه .. يحرك راسه پعنف ويطرد كل الافكار من دماغه وبتلقائيه يلاقى نفسه بيتجهه ناحيته .. الباب اللى وراه مصدر راحته .. رجله بتسابق بعضها عشان يوصل .. حس للحظه انه فعلا خسر بقراره وخسر كتير واهمها راحته .. المرادى رايح وهو مقرر انه يسمعها .. اكيد حبيبته مش ممكن ټخونه ابدا .. يقرب ع الشقه ويخبط .. محدش يفتح .. يفضل واقف شويه وبرضو مفتحتش .. يطلع مفتاح من جيبه بتردد .. عاوز ينسحب وف نفس الوقت مش قادر ع الانسحاب .. يفتح الباب بهدوء .. يلاقى كل الانوار مطفيه والشقه ضلمه .. يفتح نور الصاله ميلاقيش روح موجوده .. يستغرب وللحظه الخۏف ابتدى يحاوطه .. خاف انها تكون مشيت بجد .. ويبدأ يدور عليها .. يلاقيها نايمه ف الاوضه يتنهد بارتياح .. يقرب عليها ويقعد جنبها ع السرير 
زين بتردد روح
متردش عليه .. يقرب ايده منها ويهزها بالراحه .. تفتح عينها بخضه .. اول ما تشوفه تهدى تقوم وتشد الغطا عليها .. كانت لابسه فستان 
روح بصوت عالى انت بتعمل ايه هنا ! .. اطلع بره 
زين اهدى ووطى صوتك
روح بنفس الصوت انا ولا ههدى ولا هوطى صوتى .. اخرج بره دلوقتى حالا 
زين مش هخرج الا لما اعرف الحقيقه كامله 
تضحك روح باستهزاء بجد !! عاوز تعرف الحقيقه فعلا ليه مش انت عرفتها كامله وجمعت الخيوط ف دماغك وطلقتنى خلاص.. عاوز تعرف ايه تانى بقي يا دكتور !
زين ملوش لازمه الاستخفاف بكلامى .. اقعدى ونتكلم 
روح بصرامه مفيش كلام بينا 
زين روح متزوديش الامور تعقيد .. اقعدى واحكى اللى حصل 
روح مش هيفيد بحاجه سواء حكيت او لا .. النتيجه واحده 
زين ع حسب اللى هتقوليه .. النتيجه ممكن تتغير 
روح للاسف مش عاوزاها تتغير 
يقوم زين يقف ويقرب منها لحد ما بقي واقف قدامها بالظبط .. يقرب تبعد وترفع ايدها قدام وشه 
روح ملكش الحق انك تلمسنى .. وملكش الحق انك تكون موجود هنا .. لو سمحت يا زين كفايه لحد كده واخرج بره 
زين تمام هخرج .. بس سؤال وعاوز اجابته بمنتهى الصراحه 
وبعدها همشي
روح تبص بعيد معنديش اجابات لاسئلتك 
زين لازم تجاوبى 
روح بنفاذ صبر اتفضل .. اسأل وخلصنى 
زين بحذر احمد كان
بيعمل ايه هنا !
روح تبصله وتلمح الحيره والۏجع ف عنيه .. فضلت بصاله كتير ومحتاره تقوله الحقيقه وتبرأ نفسها وتريح باله ويرجعوا لبعض .. ولا تأكدله شكوكه الوهميه وتفضل بعيد عنه .. افتكرته وهو بېهينها .. افتكرت طرده ليها بقلب بارد بليل رغم انه عارف انها ملهاش مكان تروحه .. تفاصيل الليله اتعادت ف خيالها ووجعتها اكتر وايقنت انها مستحيل تديله الراحه اللى هو مستنيها لازم توجعه اكتر زى ما ۏجعها وهانها .. لازم تعرفه انه مش لوحده اللى يقدر يدوس ع قلب حد .. هو غلط ف حقها كتير وهى دايما بتسامح وترضى .. جه الوقت اللى ترجع حقها .. يقاطع تفكيرها زين اللى ربع ايده
وبصلها 
زين هو السؤال صعب للدرجاتى 
روح لا ابدا بس بحاول ارتبلك الاجابه 
زين مش فاهم !
روح اصل الاجابه صعبه وموجعه .. ف حقيقي مش عارفه اشرحلك ازاى 
زين روح من فضلك وضحى اكتر .. صدقينى مبقتش مستحمل 
روح اقولك ايه طيب .. احمد جه وقعدنا سوا وبس .. عاوز التفاصيل كمان 
زين قعدتوا سوا ازاى !! .. ما تنجزى وتقولى بسرعه انتى بتنقطينى بالكلام 
روح بحرج مصطنع الباقى مبيتحكيش للاسف 
زين بزهول يعنى تفكيرى كان صح !!!
تبص ف الارض وتسكت .. زين يتجنن اكتر .. حط امل ان كل دا يكون كدب .. كان عاوز يهرب من الحقيقه باى شكل .. حط وعد بينه وبين نفسه انها مهما قالت هيصدقها لكن للاسف زادت الۏجع واكدت عليه .. يتعصب جامد ويكور ايده ويضرب الحيطه اللى وراها بعصبيه 
زين بزعيق ليييييييه كده ليه !!!!! .. ليه تعملى كده 
روح تتفزع منه وتبعد عنه .. زين اتعصب لدرجه خۏفت روح اكتر .. فضل يكسر ف كل الاوضه بعصبيه .. يقرب منها .. ويمسك ايدها جامد 
زين بعصبيه انا بطلت كل حاجه عشانك .. بعدت عن كل البنات وبقيت ليكى .. بطلت كل حاجه كنت بعملها عشان حبيتك .. دا المقابل !!!! دى المكافئه .. دى حياتى اللى هتبقي احسن لو بعدت !! .. انا بكره اليوم اللى وافقت انك تدخلى حياتى فيه .. دخلتى وغيرتيلى كل حاجه وف الاخر طلعتى مما اى حد ممكن يتخيل .. وللاسف مش عارف ارجع زى ما كنت .. حاولت ومش عارف ..